O‘zbekistonda 16-avgust kuni soat, taxminan, 21:00 dan boshlab Telegram messenjeri faoliyatida texnik muammolar kuzatildi. Foydalanuvchilar ilovaga kira olmagan yoki unda o‘z xabarlarini yuborishda muammolar kuzatilayotganligidan shikoyat qilgan.
Downdetector ma’lumotiga ko‘ra, Telegram ishidagi uzilish Rossiya, Ukraina va Latviyada ham kuzatilgan. Manbada messenjer faoliyatidagi bunday uzilishlar nima sababdan yuz berayotganiga izoh berilmagan.
Telegram qo‘llab-quvvatlash markazi vakili kanalida qayd etilishicha, muammo Telegram tarafida emas, biroq jamoa aloqani saqlab qolishga harakat qilmoqda.
O‘zbekistonliklar Instagram va Facebook ishida ham uzilishlar bo‘layotganini aytmoqda. Ammo Downdetector’da bunday nosozlik yuz berayotgani qayd etilmagan.
Izoh (0)