Namangan viloyati hokimi Shavkat Abdurazzoqov Mingbuloq tumanidagi “Tegirmonboshi” mahallasida bo‘lib, yog‘ochni qayta ishlash korxonasi faoliyati bilan tanishdi. Bu haqda “Daryo” muxbiri Azizbek Abduvaliyev xabar bermoqda.
Bu yerda meva eksporti uchun zarur bo‘lgan yog‘och qutilar — yashiklar yasaladi. Bir kunda o‘rtacha 4000 ta mahsulot tayyorlanadi. Ishchilarning kunlik daromadi esa 90—100 ming so‘mni tashkil etadi.
Viloyat hokimi ushbu korxona ishchilari mehnatini kuzatdi. O‘zi ham qo‘liga bolg‘a olib, ularga ko‘maklashdi.
Mazkur mahallada yog‘ochni qayta ishlash va yashik ishlab chiqarishga ixtisoslashgan kichik sanoat zonasi qurilishi rejalashtirilmoqda. Bu yerda umumiy qiymati 124,4 milliard so‘m bo‘lgan 111 ta loyiha amalga oshiriladi. Jami 1275 ta yangi ish o‘rni yaratilishi ko‘zda tutilgan.
Izoh (0)