Ijtimoiy tarmoqlarda Jizzaxda ikki nafar fokuschi pichoqlangani va jabrlanuvchilardan biri vafot etgani haqida xabarlar tarqaldi. Bosh prokuratura matbuot xizmati ushbu hodisani tasdiqlagan.
Ta’kidlanishicha, mazkur holat yuzasidan Jizzax viloyati prokuraturasi tomonidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan. Gumondor shaxs protsessual tartibda ushlangan.
Hozirda holat bo‘yicha tergov harakatlari olib borilmoqda.
Avvalroq Namanganda bir yigit 150 ming so‘mni deb tanishini pichoqlab, o‘ldirib qo‘ygani, Jizzaxda uka akasini, qaynuka kelinoyisini pichoqlab o‘ldirgani, Gulistonda 17 yoshli bola tengdoshini pichoqlab qo‘ygani to‘g‘risida xabar berilgandi.
Izoh (0)