Farg‘ona viloyati hokimi Xayrullo Bozorov sog‘lig‘ini tiklab, ish faoliyatini boshlagan, deya xabar berdi “Daryo” muxbiri.
Qayd etilishicha, 2021-yilning 27-iyunidan buyon Toshkent shahrida davolanishda bo‘lgan Xayrullo Bozorov 4-avgust kuni jamoatchilik oldida ko‘rinish bergan. Viloyat rahbari shu kuni Prezident Shavkat Mirziyoyev Farg‘onaga tashrifi davomida tanqid qilgan “Shodiyona” mahallasi yangi binosi va boshqa ijtimoiy soha obyektlarining ochilish marosimida ishtirok etgan.
Avvalroq bir oydan ortiq muddat davomida jamoatchilikka ko‘rinish bermagan Farg‘ona viloyati hokimi Xayrullo Bozorov 28-iyul kuni tadbirkordan 400 ming dollar pora olayotgan vaqtida qo‘lga tushgani, shu sababli ham ko‘rinmay qolgani haqida xabarlar tarqaldi. Viloyat hokimligi axborot xizmati esa Xayrullo Bozorov 27-iyundan buyon Toshkent shahrida chuqurlashtirilgan tibbiy davolanishda ekani va sekvestrlangan bel umurtqa churrasi tashxisi bilan bel sohasida kichik jarrohlik amaliyoti o‘tkazgani haqida ma’lum qildi.
Izoh (0)