O‘zbekistonda 11-avgustdan boshlab aholini ZF-UZ-VAC2001 vaksinasining ikkinchi va uchini dozalari bilan emlash yana qayta yo‘lga qo‘yildi. Bu haqda “Vaksinauz” Telegram kanalida ma’lum qilindi.
Ma’lumot uchun, 9-avgustdan boshlab O‘zbekistonda ushbu vaksinaning 2- va 3-doza bilan emlash vaqtincha to‘xtatilgandi. Bunga Nurmat Otabekov quyidagicha izoh bergandi.
“Aynan o‘zbek-xitoy vaksinasi bilan emlash tadbirlari tahlillari shuni ko‘rsatdiki, 2-marotaba emlanishi kerak bo‘lgan aholining 50 foizi, 3-marotaba emlanishi kerak bo‘lgan aholining 70 foizi emlash tadbirlariga kelmagan. Bundan ko‘rinib turibdiki, biz agar ularni 2- va 3-dozani olishi uchun kelishlarini kutib o‘tirsak, vaqtdan yutqazamiz.
Shu bois ham aholining katta qismida qisman bo‘lsa ham immunitet shakllantirish uchun aynan olib kelingan vaksinani aholi uchun 1-doza vaksinani ishlatishga maqsadga muvofiq deb topdik. Negaki biz birinchi marotaba emlashimiz orqali kasallikka qarshi qisman immunitet shakllantirishimiz, qolaversa, kasallik yuqqan taqdirda ham uni og‘ir asoratlar bilan kechishiga yo‘l qo‘ymasligimiz mumkin bo‘ladi”, – degandi professor.
Izoh (0)