Ўзбекистонда 11 августдан бошлаб аҳолини ZF-UZ-VAC2001 вакцинасининг иккинчи ва учини дозалари билан эмлаш яна қайта йўлга қўйилди. Бу ҳақда «Vaksinauz» Telegram каналида маълум қилинди.
Маълумот учун, 9 августдан бошлаб Ўзбекистонда ушбу вакцинанинг 2- ва 3-доза билан эмлаш вақтинча тўхтатилганди. Бунга Нурмат Отабеков қуйидагича изоҳ берганди.
«Айнан ўзбек-хитой вакцинаси билан эмлаш тадбирлари таҳлиллари шуни кўрсатдики, 2-маротаба эмланиши керак бўлган аҳолининг 50 фоизи, 3-маротаба эмланиши керак бўлган аҳолининг 70 фоизи эмлаш тадбирларига келмаган. Бундан кўриниб турибдики, биз агар уларни 2- ва 3-дозани олиши учун келишларини кутиб ўтирсак, вақтдан ютқазамиз.
Шу боис ҳам аҳолининг катта қисмида қисман бўлса ҳам иммунитет шакллантириш учун айнан олиб келинган вакцинани аҳоли учун 1-доза вакцинани ишлатишга мақсадга мувофиқ деб топдик. Негаки биз биринчи маротаба эмлашимиз орқали касалликка қарши қисман иммунитет шакллантиришимиз, қолаверса, касаллик юққан тақдирда ҳам уни оғир асоратлар билан кечишига йўл қўймаслигимиз мумкин бўлади», – деганди профессор.
Изоҳ (0)