Farg‘ona viloyatida besh yoshli o‘g‘lini 5 ming dollarga sotishga uringan ayol ushlandi. Bu haqda “Yoshlar” telekanalining “Yangi Davr” informatsion dasturida ma’lum qilindi.
Ma’lum qilinishicha, Bosh prokuratura huzuridagi departamentning Farg‘ona viloyati boshqarmasi va DXX xodimlari tomonidan tezkor tadbir o‘tkazilgan.
Tezkor tadbir davomida Farg‘onada joylashgan sihatgohlarning birida ayol o‘z farzandini kelishilgan pul evaziga sotayotgan vaqtida ushlangan.
Ayolga nisbatan Jinoyat kodeksining 135-moddasi (odam savdosi) 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Avvalroq Toshkentda 8 oylik o‘g‘lini 10 ming dollarga sotishga uringan ayolga sud hukmi e’lon qilingani, Samarqandda mashg‘ulotlarga birga qatnaydigan yigitdan homilador bo‘lib qolgan O‘zbekiston chempioni farzandini sotayotgan vaqtda qo‘lga tushgani, Navoiyda 3 oylik bolasini ikki xonali kvartiraga almashmoqchi bo‘lgan ayol “mahalladan berilgan ijobiy tavsifnoma” sabab ozodlikdan mahrum etilmagani to‘g‘risida xabar berilgandi.
Mavzuga doir:
- Toshkent viloyatida 3 yoshli o‘g‘lini 4 ming dollarga sotmoqchi bo‘lgan ayol ushlandi. U bundan oldin ham 5 yoshli o‘g‘lini sotib yuborgan
- Surxondaryoda 1 yoshli qizini 12,6 mln so‘mga sotishga uringan ayol qo‘lga olindi
- Toshkentda 1 yoshli farzandini 5 ming dollarga sotishga uringan er-xotin ushlandi
Izoh (0)