Namangan shahrida yashovchi fuqaro ichki ishlar idoralariga murojaat qilib, yirik miqdordagi pullari o‘g‘irlab ketilganini ma’lum qildi. Bu haqda “Daryo” muxbiri xabar bermoqda.
Hodisa 2021-yil 5-avgust kuni Namangan shahridagi bozorlardan birida ro‘y bergan. Shu kuni soat 10.00 lar atrofida noma’lum shaxs savdo rastasi ustida bo‘lgan, sellofan paketga o‘ralgan 1200 AQSh dollari va 8,4 million so‘mni o‘g‘irlab ketgan.
IIB jinoyat-qidiruv bo‘limi tezkor vakillari tomonidan olib borilgan qidiruv va surishtiruv ishlari natijasida ushbu jinoyatni Namangan shahri, Davlatobod tumanida yashovchi, 1999- yilda tug‘ilgan ayol sodir etganligi aniqlandi.
Namangan viloyat IIB matbuot xizmatining bildirishicha, ushbu holat yuzasidan Namangan shahar IIO FMB huzuridagi tergov bo‘limi tomonidan 2021-yil 7-avgust kuni jinoyat ishi qo‘zg‘atildi. Hozirda tergov harakatlari olib borilmoqda.
Izoh (0)