Фарғона вилоятида беш ёшли ўғлини 5 минг долларга сотишга уринган аёл ушланди. Бу ҳақда «Ёшлар» телеканалининг «Янги Давр» информацион дастурида маълум қилинди.
Маълум қилинишича, Бош прокуратура ҳузуридаги департаментнинг Фарғона вилояти бошқармаси ва ДХХ ходимлари томонидан тезкор тадбир ўтказилган.
Тезкор тадбир давомида Фарғонада жойлашган сиҳатгоҳларнинг бирида аёл ўз фарзандини келишилган пул эвазига сотаётган вақтида ушланган.
Аёлга нисбатан Жиноят кодексининг 135-моддаси (одам савдоси) 3-қисми «а» банди билан жиноят иши қўзғатилиб, тергов ҳаракатлари олиб борилмоқда.
Аввалроқ Тошкентда 8 ойлик ўғлини 10 минг долларга сотишга уринган аёлга суд ҳукми эълон қилингани, Самарқандда машғулотларга бирга қатнайдиган йигитдан ҳомиладор бўлиб қолган Ўзбекистон чемпиони фарзандини сотаётган вақтда қўлга тушгани, Навоийда 3 ойлик боласини икки хонали квартирага алмашмоқчи бўлган аёл «маҳалладан берилган ижобий тавсифнома» сабаб озодликдан маҳрум этилмагани тўғрисида хабар берилганди.
Изоҳ (0)