Tokio—2020 Olimpiadasida oltin medalni qo‘lga kiritgan o‘zbekistonlik sportchilar Chevrolet Tahoe, bronza medali egalari esa Trailblazer avtomobillari bilan taqdirlanadi.
Ijtimoiy tarmoqlarda “Prezident sovg‘asi” yozuvi va Tokio Olimpiadasi logotipi tushirilgan avtomobillar videosi tarqaldi. Videoda uchta Tahoe va ikkita Trailblazer avtomobilini ko‘rish mumkin.
9-avgust kuni Tokio—2020 Olimpiadasida ishtirok etgan O‘zbekiston delegatsiyasi Toshkentga qaytib keladi.
Tokio Olimpiadasida Ulug‘bek Rashidov (taekvondo), Akbar Jo‘rayev (og‘ir atletika) va Bahodir Jalolov (boks) oltin, Davlat Bobonov (dzyudo) hamda Bekzod Abdurahmonov (erkin kurash) bronza medaliga ega chiqdi.
Ma’lumot uchun, Chevrolet Trailblazer avtomobilining narxi 304—398 million so‘m bo‘lsa, Tahoe 595—795 million so‘m turadi.
Eslatib o‘tamiz, Prezident farmoniga ko‘ra, Tokio—2020 Olimpiadasida oltin medalga ega chiqqan sportchilar 200 ming dollar, bronza olgan sportchilar esa 50 ming dollar miqdorda bir martalik pul mukofoti bilan rag‘batlantiriladi.
Izoh (0)