Buxoroda XVI asrda qurilgan “Abdullaxon” madrasasi devorining bir qismi 30-iyul kechasi o‘pirilib tushgani to‘g‘risida xabar berilgandi. Madaniy meros obyekti hisoblangan “Abdullaxon” madrasasi devorining bir qismi qulab tushgani holati viloyat prokuraturasi tomonidan o‘rganilgan.
“O‘rganish natijasida Jinoyat kodeksining 207-moddasi (mansabga sovuqqonlik bilan qarash) bilan jinoyat ishi qo‘zg‘atilib, viloyat prokuraturasi tomonidan dastlabki tergov harakatlari o‘tkazilmoqda”, — deyiladi xabarda.
Avvalroq viloyat Madaniy meros boshqarmasi va Buxoro shahar hokimligi tomonidan obyektning qulagan qismi o‘rab olinib, hududda harakatlanishni taqiqlash bo‘yicha muhofaza belgilari o‘rnatib chiqilgani hamda madrasaning o‘zida doimiy faoliyat yurituvchi “shtab” tashkil etilgani ma’lum qilingandi. Dastlabki hisob-kitoblarga ko‘ra, obidani to‘liq ta’mirlash va tiklash ishlari uchun, taxminan, 6 milliard so‘m miqdorida mablag‘ talab etiladi.
Mavzuga doir: “Bu sharmandalik”. Akademik Edvard Rtveladze Kampirtepa yodgorligi devori buzilganini ma’lum qildi
Izoh (0)