Bugun,

  • USD 11014.01
  • RUB 191.8
  • EUR 10674.78

AQShdagi o‘rmon yong‘inlari oltin talvasasi davriga oid Grinvill tarixiy shahrini vayron qildi, deb xabar bermoqda Reuters.

Foto: Reuters

Foto: Reuters

Ayni paytda Kaliforniyada yuz berayotgan va Diksi nomi bilan mashhur bo‘lgan yirik o‘rmon yong‘ini Janubiy Karolina shtatidagi Grinvill shahriga yopirildi. Ushbu shaharga 150 yil avval asos solingan, o‘shanda unga yaqin oltin konlari ko‘chmanchilarni va savdogarlarni Hind vodiysiga jalb qilgan.

Foto: Reuters

Foto: Reuters

Xabarlarga ko‘ra, o‘t o‘chiruvchilar yong‘inni to‘xtatish uchun bir necha kun davomida tinmay ishlagan, ammo 4-avgust kuni u chiziqni yorib o‘tib, shahar markazi tomonga tarqalgan.

“Bugun biz Grinvillni yo‘qotdik. Ifodalashga so‘z ojiz”, — dedi ushbu hududga vakillik qiluvchi kongressmen Dug Lamalf.

Foto: Reuters

Foto: Reuters

Hukumat ma’lum qilishicha, Diksidagi uch haftalik yong‘in shtat tarixida kattaligi bo‘yicha sakkizinchisi bo‘ldi, ayni paytda alanga 130 ming kvadrat akr hududni qamrab olgan, 5-avgust kuni ertalabki holatga ko‘ra, yong‘in 35 foizga to‘xtatilgan. O‘nlab inshootlar, shu jumladan, uylar ham vayron bo‘lgan.

Foto: Reuters

Foto: Reuters

Taxminan 800 nafar aholidan majburiy evakuatsiya qilish so‘ralgan. Mansabdorlar aytishicha, ba’zi odamlar ketish buyrug‘iga bo‘ysunmagan bo‘lishi mumkin, ammo qurbonlar va yaradorlar haqida xabarlar kelib tushmagan.

Foto: Reuters

Foto: Reuters

AQSh g‘arbidagi 14 ta shtatda 100 ta yirik yong‘in qayd etildi. Eng og‘ir vaziyat Kaliforniya, Oregon, Montana va Aydaxo shtatlarida kuzatilmoqda. Odatda yong‘in xavfi yil oxirida cho‘qqiga chiqadigan Kaliforniyada o‘tgan yilgidan ham kattaroq maydon yonib ketgan — o‘tgan yili esa yong‘in yuzasidan tarixdagi eng xavfli mavsum qayd etilgan edi.

Ayni paytda anomal issiq havo ta’sirida dunyoning boshqa mamlakatlarida ham yong‘inlar yuz bermoqda. Chunonchi iyulning ikkinchi yarmida Rossiyaning Yoqutiston avtonom respublikasining 8 tumanida o‘rmon yong‘inlar qariyb 1,5 million gektar maydonni yo‘q qildi.

Turkiyadagi yong‘inlar 28-iyul kuni kuchli shamol va issiq ob-havo tufayli boshlandi. Ular Turkiyaning janubiy viloyatlariga ta’sir ko‘rsatdi, jumladan, yong‘in o‘chog‘i Marmaris va Antaliya kabi kurort shaharlar yaqinida joylashgan.

Keyinroq Isroilda anomal issiq iqlim tufayli Quddus yaqinidagi Shoresh hududida yong‘inlar kuzatildi. Yong‘inlar, taxminan, 10 gektar maydondagi o‘rmonlar hududini qoplab olgan.

Kuni kecha esa Gretsiyaning Evbeya oroli va Afina shahri atrofidagi yong‘inlar 200 dan ortiq uyni butunlay vayron qildi yoki zararladi.

Shuningdek, bunday yong‘inlar O‘zbekiston hududida ham kuzatildi. Jizzax viloyatining Zomin tumani “Duoba” qishloq fuqarolar yig‘ini O‘riklisoy qishlog‘i yaqinidagi o‘rmon hududlarida 1-avgust kuni yirik yong‘in yuz berdi. Soat taxminan 10:40 da boshlangan yong‘in salkam sakkiz soatdan so‘ng o‘chirildi; Favqulodda vaziyatlar vazirligi (FVV) ma’lumotlariga ko‘ra, 80 gektar maydonda quruq o‘t va daraxtlar yongan. Olovni o‘chirishga 1600 ga yaqin odam jalb etilgan.

Izoh
Asosiy yangiliklar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar