Rossiyaning Yoqutiston avtonom respublikasining 8 tumanida o‘rmon yong‘inlar qariyib 1,5 million gektar maydonni yo‘q qildi. Bu haqda “O‘zgidromet”ga tayanib, “Xabar.uz” xabar berdi.

Foto: “Xabar.uz”

Ta’kidlanishicha, juda katta maydondagi yashillik biomassasining yo‘q bo‘lishi, havoga milliardlab tonna is gazi miqdorining chiqarilishiga va kelgusida ularning yutilmay qolishiga sabab bo‘ladi.

“Bu kabi o‘zgarish foni Rossiya sharqida ‘issiqxona effekti’ni kuchaytirib, Yoqutistonda oxirgi yillarda kam shakllanayotgan sovuq Sibir antisikloni rivojlanish siklini yanada kamaytirishi mumkin.

Boshqacha aytganda, aynan hozirgi yirik o‘rmon yong‘inlari keyinroq Sibirda sovuq havo oqimlari shakllanishini kamaytirib, shundoq ham O‘zbekistonga oxirgi yillarda kam kirib kelayotgan sovuq havo oqimlar soni yana kam kirib kelishida aks etadi”, — deyiladi xabarda.

Respublika Ekologiya vazirligining 20-iyuldagi ma’lumotlariga ko‘ra, Yoqutistonda 92 ta o‘rmon yong‘irlari o‘chirilmoqda, olovga qarshi kurashga 2,1 mingdan ortiq odam va 290 ta texnika jalb etilgan. O‘tgan bir sutka ichida 56,2 ming gektardagi 27 ta yong‘in o‘chirilgan. Mintaqada jami 205 ta o‘rmon yong‘inlari qayd etilgan.