Amazon kompaniyasi “aqlli” uylarni yanada aqlliroq qilish tajribasini davom ettirmoqda — hatto bu talab etilmaydigan joylarda ham. Shu sababli kompaniya “aqlli” sovun dozatorini taqdim etdi, deb xabar beradi Meduza.
Amazon’ning mazkur qurilmasi LED-ekran bilan jihozlangan bo‘lib, 20 soniya vaqtni hisoblaydi. JSST koronavirus panemiyasi vaqtida qo‘lni aynan shuncha soniya yuvishni tavsiya qiladi.
Shuningdek, qurilma Wi-Fi orqali Amazon’ning “aqlli” kolonkalariga ulana oladi. Shundan so‘ng, ixtirochilar xohlagan maqsad amalga oshadi: qo‘lni yuvish vaqtida dozator avtomatik ravishda qo‘shiq ijro etadi va turli latifalarni aytadi. “Ask holda juda zerikarli bo‘lib qoladi”, — deb hisoblaydi kompaniyadagilar.
Bularning barchasi ishlashi uchun dozatorni uch oyda kamida bir marotaba quvvatlantirib turish kerak bo‘ladi. “Aqlli” dozator narxi 55 dollarni tashkil etadi.
Avvalroq Amazon kompaniyasi MGM kinostudiyasini sotib olayotgani, Jeff Bezos Amazon bosh direktori lavozimidan ketgani to‘g‘risida xabar berilgandi.
Izoh (0)