Amazon совун учун «ақлли» дозаторни тақдим этди. 55 долларлик қурилма қўлни ювиш вақтида латифа айтиб туради

Amazon компанияси «ақлли» уйларни янада ақллироқ қилиш тажрибасини давом эттирмоқда — ҳатто бу талаб этилмайдиган жойларда ҳам. Шу сабабли компания «ақлли» совун дозаторини тақдим этди, деб хабар беради Meduza.

Amazon’нинг мазкур қурилмаси LED-экран билан жиҳозланган бўлиб, 20 сония вақтни ҳисоблайди. ЖССТ коронавирус панемияси вақтида қўлни айнан шунча сония ювишни тавсия қилади.

Шунингдек, қурилма Wi-Fi орқали Amazon’нинг «ақлли» колонкаларига улана олади. Шундан сўнг, ихтирочилар хоҳлаган мақсад амалга ошади: қўлни ювиш вақтида дозатор автоматик равишда қўшиқ ижро этади ва турли латифаларни айтади. «Аск ҳолда жуда зерикарли бўлиб қолади», — деб ҳисоблайди компаниядагилар.

Буларнинг барчаси ишлаши учун дозаторни уч ойда камида бир маротаба қувватлантириб туриш керак бўлади. «Ақлли» дозатор нархи 55 долларни ташкил этади.

Аввалроқ Amazon компанияси МGM киностудиясини сотиб олаётгани, Жефф Безос Amazon бош директори лавозимидан кетгани тўғрисида хабар берилганди.