O‘zbekiston Prezidenti Shavkat Mirziyoyev 29-iyul kuni Jurabek Laboratories’ga tashrifi davomida aholini koronavirusga qarshi emlash jarayonlari to‘g‘risidagi ma’lumotlar bilan tanishdi. “Gazeta.uz” aholini emlash bilan qamrab olish, mamlakatga yetkazib beriladigan vaksinalar narxi va hukumatning keyingi rejalari to‘g‘risida ma’lumotlarni nashr etdi.
Moddiy-texnika baza:
- vaksinalarni saqlash uchun milliy ombor – 1 ta;
- vaksinalarni saqlash uchun mintaqaviy omborlar – 14 ta;
- maxsus transport vositalari – 206 ta;
- vaksinalarni saqlash uchun tuman (shahar) omborlari – 206 ta;
- vaksinalarni tashish uchun termal qoplar va termal idishlar – 10121 ta;
- muzlatgichlar – 457 ta;
- generatorlar – 148 ta;
- sovutkichli yuk mashinalari – 17 ta.
- 8000 ta emlovchilar;
- 10 ming ta oilaviy shifokorlar;
- 33 ming 343 ta patronaj hamshiralar.
- 9,1 million shpris – 3,6 milliard so‘m;
- 91 ming seyf – 502,2 million so‘m;
- 3138 ta emlash punktlari va 820 ta mobil guruhlar uchun dori-darmonlar – 1,3 milliard so‘m
- taxminan 17 tonna tibbiy paxta – 0,9 milliard so‘m
- 12,3 tonna tibbiy spirt – 370 million so‘m
Emlash jarayoni (28-iyul holatiga ko‘ra)
Hozirda O‘zbekistonda 21 mln 455 ming 214 nafar emlanuvchilardan 7 millionga yaqini vaksina olgan. Ulardan 1 milliondan ortig‘i to‘liq emlangan.
Shuningdek, 2021 yilning noyabr oyiga qadar aholining 70 foizini emlash rejalashtirilmoqda.
Viloyatlar bo‘yicha emlashning eng yuqori ko‘rsatkichlari – Namangan viloyati (7,8 foiz), Andijon (6,6 foiz), Jizzax (6,4 foiz) va Farg‘ona viloyatlari (6,3 foiz). Eng past ko‘rsatkichlar Qashqadaryo (3,7 foiz), Toshkent (3,7 foiz) viloyatlari va Qoraqalpog‘istonda (4,6 foiz) qayd etilgan.
Maqsadlar
Hukumat 1-noyabrgacha aholining 70 foizini emlashni maqsad qilib qo‘ygan. Hammasi bo‘lib, yana 17,9 million dozada vaksinalar sotib olish rejalashtirilgan:
- Moderna – 3 million (avvalroq xabar berilgan edi);
- Pfizer-BioNTech – 1,2 million (avvalroq xabar berilgan edi);
- ZF-UZ-VAC-2001 – 12 million;
- “Sputnik V” – 1,7 million.
Emlash sertifikatlari xalqaro miqyosda tan olinishi va emlash jarayoni bilan bog‘liq qonunchilik bazasini takomillashtirish rejalashtirilgan.
Deputatlar avvalroq aholining ayrim toifalarini majburiy profilaktik emlashni qonuniylashtirishi va ish beruvchilar profilaktik emlashdan bosh tortgan taqdirda xodimni ishdan chetlatishga ruxsat beruvchi qonunchilikdagi o‘zgartirishlarni ma’qulladi.
Izoh (0)