O‘zbekiston mustaqilligining 30 yilligi munosabati bilan o‘tgan yillar davomida AQShning Toshkentdagi diplomatik vakolatxonasini boshqargan elchilar birlashib, O‘zbekiston va AQSh munosabatlarining rivojlanish tarixini muhokama qiladi.
O‘zbekistonning AQShdagi diplomatik vakolatxonasi tashabbusi bilan tashkil etilgan onlayn tadbirda elchi Javlon Vahobov va ilgari AQShning Toshkentdagi elchixonasini boshqargan sakkiz nafar amerikalik diplomatlar ishtirok etadi. Vebinarni AQShning Milliy mudofaa universiteti (NESA) Yaqin Sharq va Janubiy Osiyo strategik tadqiqotlari markazi professori Briann Todd olib boradi.
Telegram’dagi “Nigoh” kanalining yozishicha, vebinar 29-iyul kuni soat 17:15 da (Toshkent vaqti bilan) boshlanadi. Unda qatnashishni istaganlar quyidagi havola orqali oldindan ro‘yxatdan o‘tishi mumkin.
Avvalroq AQSh O‘zbekistondagi bog‘chalar uchun 21 mln dollar ajratishi, AQSh agentligi O‘zbekistonda xususiy agrobiznes korxonalari o‘rtasida biznes loyihalar tanlovini o‘tkazishi, AQSh O‘zbekistonga 131 tonnalik oziq-ovqat yordamini topshirgani to‘g‘risida xabar berilgandi.
Izoh (0)