Agar birinchi doza vaksinani olib, ikkinchisi bilan emlanmagan yoki ikkita bosqichda emlanib, 3-doza vaksina olinmagan bo‘lsa, 12 hafta muddat ichida keyingi doza bosqichlarini davom ettirish mumkin. Bu haqda Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonovga tayanib, “Gazeta.uz” ma’lum qildi.
Uning so‘zlariga ko‘ra, emlanishlar orasidagi muddat 12 haftadan ko‘p bo‘lsa, ya’ni 3 oydan ortiq bo‘lsa emlanish qaytadan — birinchi dozadan boshlanadi.
“Vaksinaning qaysi turi bo‘lishidan qat’i nazar, AstraZeneca, ‘Sputnik V’ yoki ZF-UZ-VAC2001 vaksinasi bo‘ladimi, oraliq muddat 12 haftadan oshsa, revaksinatsiya qilinadi”, — deya ta’kidladi Botir Qurbonov.
Bundan avval vaksina olganlar ham delta shtammni boshqalarga yuqtirishi mumkinligi ma’lum bo‘lgani haqida xabar berilgandi.
Mavzuga doir:
- O‘zbekistonda majburiy emlashni joriy etish orqali inson huquqlariga putur yetkazilmayaptimi? Ombdusman javob berdi
- O‘zbekistonda koronavirusga qarshi emlanganlar soni 4,5 mln kishiga yaqinlashdi
- “Vaksina olganlar shifoxonadan to‘rt kunda chiqyapti, emlanmaganlarga juda og‘ir bo‘lyapti”. Mirziyoyev aholini COVID-19’ga qarshi emlanishga chaqirdi
Izoh (0)