O‘zbekistonda 2021-yilning 5-iyulidan beri 8723 nafar bemorda pnevmoniya aniqlangan bo‘lsa, ularning 2770 nafari sog‘ayib chiqqan. Bu haqda Sog‘liqni saqlash vazirligi matbuot xizmati xabar berdi.
Ma’lum qilinishicha, shu kungacha pnevmoniyaga chalingan bemorlarning 60 nafari vafot etgan. Ma’lumotlarga ko‘ra, mamlakatda 5—27-iyulda 13 555 kishida koronavirus aniqlangan bo‘lsa, ushbu davr oralig‘ida COVID-19 asoratlari oqibatida jami 102 kishi vafot etgan.
Vazirlik tomonidan e’lon qilingan jadvaldan ko‘rish mumkinki, pnevmoniyaga chalinish holatlari asosan Toshkent shahri (3240 nafar), Toshkent (1288) va Jizzax (988) viloyatlarida qayd etilgan.
Avvalroq O‘zbekistonda 27-iyul kuni 843 kishida koronavirus infeksiyasi qayd etilgani va bu mamlakatda pandemiya boshlanganidan buyon kunlik kasallanish bo‘yicha eng yuqori ko‘rsatkich ekanligi to‘g‘risida xabar berilgandi.
Izoh (0)