Ўзбекистонда 2021 йилнинг 5 июлидан бери 8723 нафар беморда пневмония аниқланган бўлса, уларнинг 2770 нафари соғайиб чиққан. Бу ҳақда Соғлиқни сақлаш вазирлиги матбуот хизмати хабар берди.
Маълум қилинишича, шу кунгача пневмонияга чалинган беморларнинг 60 нафари вафот этган. Маълумотларга кўра, мамлакатда 5—27 июлда 13 555 кишида коронавирус аниқланган бўлса, ушбу давр оралиғида COVID-19 асоратлари оқибатида жами 102 киши вафот этган.
Вазирлик томонидан эълон қилинган жадвалдан кўриш мумкинки, пневмонияга чалиниш ҳолатлари асосан Тошкент шаҳри (3240 нафар), Тошкент (1288) ва Жиззах (988) вилоятларида қайд этилган.
Аввалроқ Ўзбекистонда 27 июль куни 843 кишида коронавирус инфекцияси қайд этилгани ва бу мамлакатда пандемия бошланганидан буён кунлик касалланиш бўйича энг юқори кўрсаткич эканлиги тўғрисида хабар берилганди.
Изоҳ (0)