O‘zbekistonda 27-iyul kuni 843 kishida koronavirus infeksiyasi qayd etildi — bu mamlakatda pandemiya boshlanganidan buyon kunlik kasallanish bo‘yicha eng yuqori ko‘rsatkichdir. O‘zbekiston Sog‘liqni saqlash vazirligi axborotiga ko‘ra, mamlakatda pandemiya boshidan beri koronavirusga chalingani rasman tasdiqlangan shaxslar soni 126 627 nafarga yetgan.
Yangi kasallanish holatlarining
- 80 nafari Qoraqalpog‘iston Respublikasida,
- 21 nafari Andijon viloyatida,
- 21 nafari Buxoro viloyatida,
- 89 nafari Jizzax viloyatida,
- 24 nafari Qashqadaryo viloyatida,
- 18 nafari Navoiy viloyatida,
- 31 nafari Namangan viloyatida,
- 85 nafari Samarqand viloyatida,
- 27 nafari Sirdaryo viloyatida,
- 95 nafari Surxondaryo viloyatida,
- 75 nafari Farg‘ona viloyatida,
- 56 nafari Xorazm viloyatida,
- 98 nafari Toshkent viloyatida,
- 123 nafari Toshkent shahrida
Qayd etish joizki, Surxondaryo viloyatida 27-iyul kuni koronavirusga chalinganlar soni bo‘yicha 2021-yil antirekordi qayd etildi — bungacha viloyatda bir kunlik kasallanish bo‘yicha eng yuqori ko‘rsatkich 26-iyul kuni kuzatilgan, o‘shanda 89 kishida kasallik aniqlangan edi. Shuningdek, Xorazm viloyatida ham kunlik kasallanish bo‘yicha 2021-yilning eng yuqori ko‘rsatkichi qayd etilgan — 56 nafar (bundan oldingi antirekord 26-iyun kuniga to‘g‘ri keladi — 49 nafar).
Shuningdek, 27-iyulda kun davomida Qoraqalpog‘istonda 75 nafar, Buxoroda 19 nafar, Jizzaxda 95 nafar, Qashqadaryoda 22 nafar, Navoiyda 20 nafar, Namanganda 20 nafar, Samarqandda 158 nafar, Sirdaryoda 31 nafar, Surxondaryoda 96 nafar, Farg‘onada 56 nafar, Xorazm 40 nafar, Toshkent viloyatida 68 nafar, Toshkent shahrida 125 nafar bemor — mamlakat bo‘yicha jami 825 nafar bemor tuzalib, jami sog‘ayganlar soni 121 145 nafarga (kasallikka chalingani rasman qayd etilganlarning 95 foizi) yetdi.
Shuningdek, 8 nafar koronavirusga chalingan bemor vafot etib, kasallikdan vafot etganlar soni 853 nafarni tashkil qilmoqda.
Avvalroq O‘zbekistonda tashkil qilingan koronavirus bo‘yicha Call-markazlarga kunlik murojaatlar soni bir oyda 5 marotabaga oshgani to‘g‘risida xabar berilgandi.
Izoh (0)