UzNews nashri sayohatchi va suratkash Marat Najiboyev bilan hamkorlikda Ustyurt platosida joylashgan Borsakelmas sho‘r ko‘lidan fotoreportaj tayyorladi.
Isuzu D-Max Aral Tour ekspeditsiyasi doirasida Qoraqalpog‘iston hududidagi Borsakelmas maskaniga sayohat uyushtirilgan. Bu oldinlar dengiz osti bo‘lgan sho‘rxok yer. Uning uzunligi 50 kilometrni, eni — 35 kilometrni tashkil etadi. Bundan 30 million yil oldin bu yerlarda Qoraqum, Qizilqum cho‘llari va Ustyurt platosini qamrab olgan Tetis okeani bo‘lgan.
Ta’kidlanishicha, bu yer xavfli — istalgan vaqtda sayohatchi usti yupqa tuz qatlami ko‘rinishida qoplangan chuqurlikka tushib ketish mumkin. Tuz xuddi muz kabi tovlangani sabab unga termulganda ko‘zga yosh keladi.
Qachonlardir Borsakelmas nomi qo‘riqxona joylashgan orolga tegishli bo‘lgan. Keyin esa u shunchaki yo‘qolib ketgan. Sho‘r ko‘li fantastik filmlarni suratga olishga mo‘ljallangan maydonchaga o‘xshaydi.
Ushbu hududda tuz zaxiralari ko‘p bo‘lib, u ming yilga yetishi taxmin qilingan. U yerga faqat Nukusdan mashinada yetib olish mumkin. Shuningdek, bu yerda Qo‘ng‘iroq soda zavodi uchun tuz qazib olinadi.
Avvalroq avval AQShdan Orolbo‘yi aholisi uchun gumanitar yordam yuborilgani, Janubiy Koreya Orolbo‘yi mintaqasi bo‘yicha trast fondining moliyaviy donoriga aylangani hamda hukumat qarori bilan Orol dengizi va Orolbo‘yi hududlarida o‘rmonzor barpo etiladigan maydon belgilangani haqida xabar berilgandi.
Mavzuga doir:
Izoh (0)