Angliyaning Uymut shahrida to‘qqiz oy ichida birinchi marta uyidan chiqqan 62 yoshli Sara Lyuis yuk mashinasi urib ketishi oqibatida halok bo‘ldi. Ayol o‘zini koronavirusdan himoya qilish uchun shuncha vaqt uyidan chiqmagandi, deb yozadi Daily Mirror.
Voqea sodir bo‘lganidan so‘ng bir muncha vaqt Lyuis mashina ostida qolib ketgan. Qutqaruvchilar kelgach uning vafot etgani aniq bo‘ldi. Sud-tibbiy ekspertizasi ayol avtohalokatda olgan jarohatlari tufayli hayotdan ko‘z yumganini ko‘rsatdi.
Voqeani o‘rgangan shifokorlar, shuningdek, ayol ilgari koronavirusga nisbatan klinik jihatdan zaif deb topilganini aniqladi. So‘nggi marta u 2020-yilning 16-noyabrida, mashinasini garajga olib borib qo‘yganidan buyon to‘qqiz oy davomida uyidan chiqmagan.
Izoh (0)