Checheniston hukumati koronavirusga qarshi emlanmagan odamlarning masjid va do‘konlarga borishni, shuningdek, jamoat transportidan foydalanishni taqiqladi. Bu haqda bosh vazir o‘rinbosari Vahit Usmayev repsublika hukumati va hududlar rahbarlari ishtirokida o‘tgan kengaytirilgan yig‘ilishda ma’lum qilgan.
“Masjidlarga borganda koronavirusga qarshi emlanganlik haqida ma’lumotnoma va sertifikatlarni ko‘rsatish majburiy etib belgilandi. Chakana savdoning barcha nuqtalarida ham ma’lumotnoma va sertifikatlar borligi tekshiriladi. Shuningdek, jamoat transportida ham yo‘lovchilarning tibbiy niqobda ekanligi, ma’lumotnoma va sertfikatga ega bo‘lishiga e’tibor qaratiladi”, — degan Usmayev.
Checheniston hukumati rahbarining o‘rinbosari ma’lumotnoma deganda avval COVID-19 bilan kasallangani haqidagi hujjatlar, PZR-testining manfiy natijasi haqidagi ma’lumotnoma yoki emlanishni kechiktirish haqidagi tibbiy xulosani nazarda tutgani borasida aniq ma’lumot mavjud emas.
27-iyulda “Rospotrebnadzor”ning Checheniston bo‘yicha boshqarmasi respublikadagi turli soha xodimlarini, xususan, sog‘liqni saqlash, umumiy ovqatlanish, maishiy xizmatlar va go‘zallik salonlari xodimlarini emlashning majburiy tartibda amalga oshirilishini e’lon qilgan.
Checheniston rahbari Ramzan Qodirov respublikaning 17 ta hududidan 11 tasida katta yoshli aholining 60 foizi koronavirusga qarshi emlanganini xabar qildi.
“Biz 60 foizlik ko‘rsatkichda to‘xtab qolmasligimiz va barcha aholini koronavirusga qarshi emlashimiz zarur”, — deya yozgan Qodirov.
Mavzuga doir: Checheniston rahbari vaksina olishdan bosh tortganlarni eng oxirida emlash taklifini berdi
Izoh (0)