Italiya shimolidagi Emiliya-Romanya hududida 26-iyulning ikkinchi yarmida do‘l yog‘di va uning kattaligi tennis koptogidek keladi. Shuningdek, shu kuni kuchli shamol va yomg‘ir ham kuzatilgan.
Italiya shimolini janub bilan bog‘lovchi A1 trassasida Parma va Pyachenza oralig‘ida yuzlab avtomobillar do‘l ostida qolgan, mashinalarga talafot yetgan, transport harakati bir necha soat davomida to‘xtab qolgan.
RAI nashrining meteorologlar axborotiga tayanib yozishicha, 2021-yil yozi boshlanganidan beri Italiya shimolida 10 yil ichida rekord darajada yog‘ingarchilik, xususan, do‘l yog‘ishi kuzatilgan. Oqibatda infratuzilma va qishloq xo‘jaligiga ko‘p millionli zarar yetgan, mamlakat janubida esa qurg‘oqchilik kuzatilmoqda.
Eslatib o‘tamiz, iyul boshida Fransiyani 60 santimetr qalinlikda do‘l qoplagandi. Yil boshida esa Avstraliyaning Yangi Janubiy Uels shtati yong‘inlardan talafot ko‘rgan, keyin bo‘ron bo‘lgan, so‘ngra kattagina do‘l yog‘gandi.
Izoh (0)