Innovatsion rivojlanish vazirligi va Farmatsevtika tarmog‘ini rivojlantirish agentligi taklifiga ko‘ra 23-iyul kuni Xitoyning Anhui Zhifei Longcom Biopharmaceutical kompaniyasi delegatsiyasi Toshkentga yetib keldi. Bu haqda Innovatsion rivojlanish vazirligi matbuot xizmati xabar berdi.
Delegatsiya o‘zbek—xitoy vaksinasini O‘zbekistonda ishlab chiqarishni yo‘lga qo‘yish bo‘yicha muzokaralar olib borish maqsadida tashrif buyurdi. Mutaxassislar vaksina ishlab chiqarish uchun infratuzilmaviy imkoniyatlarni baholaydi.
Xitoy Fanlar akademiyasi SARS-CoV-2 koronavirusiga qarshi nomzod vaksinasini yaratish loyihasining tashabbuskori va koordinatori hisoblanadi.
Innovatsion rivojlanish vazirligi huzuridagi Ilg‘or texnologiyalar markazi va Sog‘liqni saqlash vazirligining Virusologiya ilmiy-tadqiqot institutining vaksina sinovlarida bevosita ishtiroki, shuningdek, klinik tadqiqotlarga qo‘shgan hissasi natijasida O‘zbekiston vaksinaning hammuallifi sifatida e’tirof etilgan.
Mavzuga doir:
- “Hali ham odamlarimiz vaksinaga ishonmayapti”. Shavkat Mirziyoyev aholini koronavirusga qarshi emlanishga chaqirdi
- Nurmat Otabekov: “O‘zbekistonda 6 milliondan ortiq kishi vaksina qabul qildi, reja — 21 million nafar”
- Ijtimoiy tarmoqlarda vaksina bo‘yicha savollar bilan yuzlangan professor videosi yuzasidan Innovatsion rivojlanish vazirligi bayonot berdi
Izoh (0)