AOKAda o‘tkazilgan matbuot anjumanida Ilg‘or texnologiyalar markazi biotexnologiya laboratoriya mudiri Dilbar Dalimova vaksina bo‘yicha muhim ma’lumotlarni taqdim etdi.
“Ko‘pchilik vaksina olgan bo‘lsa ham, koronavirusga chalinayotgani va vaksina yordam bermayotgani haqida aytmoqda.
Aslida, bu noto‘g‘ri. Vaksina, albatta, yordam beradi. Qachonki vaksinani to‘liq, barcha dozasi olinsa, kasallikka qarshi immunitet paydo bo‘ladi va kasallikni yengish juda oson bo‘ladi.
Albatta, emlandi, degani bu umuman kasal bo‘lmaydi, degani emas. Vaksina olgan kishi koronavirusni yengil o‘tkazadi, kasallik og‘ir oqibatlarga olib kelmaydi, reanimatsiyaga tushmaydi, o‘lim holati kuzatilmaydi. Eng asosiysi shu.
Koronavirusning yangi shtammlariga nisbatan samaradorlik darajasi ham o‘rganildi. Albatta, yangi shtammlarga uning ta’siri kamayadi. Boshqa vaksinalar samaradorligi 10-15 foizga kamaygan bo‘lsa, O‘zbekiston—Xitoy hammuallifligida yaratilgan ZF-UZ-VAC2001 vaksinasining samaradorligi bor-yo‘g‘i 1,2 foizga kamaydi. Bu degani — vaksina boshqa shtammlarga nisbatan ham ishlaydi, degani”, — deya ta’kidladi mutaxassis.
Mavzuga doir: Nurmat Otabekov: “O‘zbekistonda 6 milliondan ortiq kishi vaksina qabul qildi, reja — 21 million nafar”
Izoh (0)