Toshkent shahri Yunusobod tumanida 2 xonadonda yong‘in sodir bo‘ldi, deya xabar qilmoqda Favqulodda vaziyatlar boshqarmasi.
Ma’lum qilinishicha, 23-iyul kuni soat 16:18 da Yunusobod tuman Sandiqqo‘rg‘on 4-tor ko‘chasida joylashgan xonadonlardan birida yong‘in kelib chiqqan.
Yong‘in natijasida ikkita xonadonda umumiy 150 kvadrat metr maydonda uyning tom qismi zararlangan. Yong‘in-qutqaruv texnikalari voqea joyiga soat 16:21 da yetib borgan va ko‘rilgan tezkor choralar natijasida yong‘in 16:59 da bartaraf etilgan.
Yong‘in oqibatida jabrlanganlar yo‘q, hozirda yong‘inning kelib chiqish sabablari o‘rganilmoqda.
Bundan avval Toshkentda elektron reklama ekrani yonib ketgani, Namangandagi hovlida yong‘in chiqib, uchta qo‘shnining uyiga ham zarar yetgani hamda Baxmalda me’yoridan baland presslangan somon ortilgan yuk mashinasi yonib ketgani haqida xabar berilgandi.
Izoh (0)