Pokistonning shimoli-sharqida yo‘lovchi avtobusi yuk mashinasi bilan to‘qnashib ketdi. Oqibatda kamida 27 kishi halok bo‘ldi, 30 dan ortiq kishi jarohat oldi, deb yozmoqda “Korrespondent.net”.
Xabarga ko‘ra, hodisa Panjob viloyatining Dera-Gazi-Xon tumanida sodir bo‘lgan. Tezlikni haddan tashqari oshirgan avtobus aylanma yo‘lda yuk mashinasiga urilib ketgan. Voqea joyiga zudlik bilan qutqaruvchilar yetib kelgan va jabrlanganlarni yaqin atrofdagi kasalxonaga yetkazishgan.
Ta’kidlanishicha, Pokistonda yo‘l harakati bilan bog‘liq baxtsiz hodisalar tez-tez sodir etiladi. Bunga asosan, yo‘llarning yomonligi, transport vositalarining talabga javob bermasligi va ularni noprofessionallik bilan boshqarish sabab bo‘ladi.
Avvalroq Pokiston sharqida mikroavtobus kanalga qulab tushib, oqibatda 11 kishi, jumladan, yetti nafar bola halok bo‘lgani haqida xabar berilgandi.
Shuningdek, AQShdagi sirpanchiq trassada 130 ga yaqin mashina to‘qnashib, 6 kishi halok bo‘lgani, Ganada avtobuslar to‘qnashuvi oqibatida 17 nafar odam halok bo‘lgani hamda Kamerunda yuk mashinasi va avtobus ishtirokidagi YTHda 50 dan ortiq odam yonib ketgani haqida xabar berilgandi.
Izoh (0)