Kamerunning Jang shahri yaqinida avtobus yuk mashinasi bilan to‘qnashdi. Yo‘l-transport hodisasi oqibatida ikkala transport vositasi ham yonib ketgan. Bu haqda Journal du Cameroun mahalliy nashriga tayanib, “Korrespondent.net” xabar qildi.
Qayd etilishicha, ushbu voqea 27-yanvar kuni mahalliy vaqt bilan, taxminan, soat 03:00 da sodir bo‘lgan. Yuk mashinasi yoqilg‘i olib ketayotgan bo‘lgan. U shaharlararo avtobus bilan to‘qnashgandan so‘ng, ikkala transport vositasi ham yonib ketgan.
YTH oqibatida 53 kishi halok bo‘lgan, 29 kishi jarohat olgan.
Avvalroq Xarkovdagi qariyalar uyida yong‘in oqibatida 15 kishi halok bo‘lgani hamda Belarusda Nokia 3310’ning yonib ketishi oqibatida maktab o‘quvchisi kuyish jarohatini olgani haqida xabar berilgandi.
