Jons Hopkins universiteti ma’lumotlariga ko‘ra, dunyoda koronavirusga chalinganlar soni 190 467 683 kishiga yetdi, shularning 4 089 900 nafari vafot etdi. Kasallanish holatlarining ko‘pligi bo‘yicha AQSh (34 million), Hindiston (31,1 million), Braziliya (19,3 million), Fransiya (5,9 million) va Rossiya (5,9 million) eng oldinda bormoqda.
Isroil bosh vaziri Naftali Bennet koronavirus bilan kasallanib, o‘z-o‘zini yakkalash rejimini ataylab buzgan shaxslarni jinoiy javobgarlikka tortish to‘g‘risida qaror chiqardi.
“Koronavirus aniqlangan va o‘z-o‘zini yakkalash shartlarini qasddan buzib, shu tariqa jamoatchilik salomatligini xavf ostiga qo‘ygan” fuqarolar jinoiy javobgarlikka tortiladi va sud ta’qibiga uchraydi.
Bennet qayd etishicha, koronavirusning butun dunyo bo‘ylab tezkorlik bilan tarqalayotgan delta shtammiga qarshi kurashish uchun choralarni kuchaytirish zarur.
2021-yilning bahorida Isroil koronavirusga qarshi vaksinatsiya shiddati bo‘yicha eng ilg‘or mamlakatlardan biri bo‘lgan edi. Ayni paytda, The New York Times hisob-kitoblariga ko‘ra, mamlakat aholisining 58 foizdan ortig‘i to‘liq emlangan, 63 foizga yaqini kamida bitta dozani olgan.
Tezkor vaksinatsiya kampaniyasi sharofati bilan, hukumat yoz boshida deyarli barcha cheklovlarni, hatto niqob rejimini ham bekor qilgan edi. Ammo iyun oxirida kasallanish darajasi yana orta boshladi.
Janubiy Koreyaning Yaqin Sharqda qaroqchilarga qarshi kurash uchun patrullik qilayotgan harbiy kemasining butun ekipaji bortda koronavirus avj olgani tufayli almashtiriladi.Shtab boshliqlari birlashgan qo‘mitasida ma’lum qilishlaricha, Janubiy Koreyaning “Chxonxe” bo‘linmasidagi 301 dengizchining 247 nafarida koronavirus test bilan tasdiqlangan.
Kemaga yangi ekipajni yetkazish uchun Yaqin Sharqdagi aeroportlardan biriga ikkita transport samolyoti uchib ketgan. O‘z navbatida kasallangan ekipaj o‘sha reys bilan Janubiy Koreya gospitallaridan biriga evakuatsiya qilinadi.
Mamlakat Mudofaa vazirligi ma’lumotlariga ko‘ra, hozirgi paytgacha chet el missiyalarida bo‘lib turgan qariyb 1300 nafar harbiy xizmatchining taxminan 73 foizi, shu jumladan, “Chxonxe” bo‘linmasi yangi partiyasining barcha a’zolari to‘liq emlangan.
Mavzuga doir: Janubiy Koreya aholisi COVID-19’ga qarshi bepul emlanadi
Yevroittifoq mamlakatlarida hech bo‘lmaganda bitta dozada emlanganlar jami aholining 55,6 foizini tashkil qiladi, AQShda esa ushbu ko‘rsatkich hozircha 55,4 foizga teng.
Ayni vaqtda AQSh to‘liq emlangan fuqarolar soni bo‘yicha dunyoda yetakchi bo‘lib qolmoqda: u yerda aholining 48 foizi, Yevroittifoq mamlakatlarida esa 42 foizi to‘liq vaksina olgan.
“Yevropa sayyoramizda koronavirusga qarshi kiritilgan birinchi dozalar eng ko‘p bo‘lgan qit’a sifatida birinchi o‘ringa chiqib oldi. O‘tgan shanba kuni (17-iyul) biz AQShdan o‘zib ketdik”, — dedi ichki bozor bo‘yicha Yevrokomissar Tyerri Breton.
Mavzuga doir: Yevropa Ittifoqi koronavirusga qarshi vaksinalarning nojo‘ya ta’sirlari haqida ma’lum qildi
Mamlakatda tungi klublar ishlay boshladi, boshqa muassasalardan ham cheklovlar olib tashlandi. Shuningdek, niqob taqish, ijtimoiy masofalanish va uydan ishlash majburiyatlari bekor qilindi.
Buyuk Britaniya bosh vaziri Boris Jonson aholiga videomurojaat yo‘llab, hozir cheklovlarni olib tashlashning ayni mavridi ekani, chunki bu jarayon kuz yoki qishga qoldirilsa, “virus sovuq havo tufayli ustunlikka ega bo‘lishi”ni aytdi. Jonson, shuningdek, barcha aholini COVID-19’ga qarshi emlanishga chaqirdi.
Izoh (0)