O‘zbekistonda Toshkent–Urganch–Toshkent yo‘nalishida qo‘shimcha poyezdlar qatnovi yo‘lga qo‘yiladi. Bu haqda Transport vazirligi xabar qildi.
Yo‘lovchilarga yanada ko‘proq qulaylik yaratish maqsadida 2021-yil 20–21-iyul kundan Toshkent–Urganch–Toshkent yo‘nalishida qo‘shimcha 156/155-sonli yo‘lovchi poyezdlar qatnovi yo‘lga qo‘yiladi.
Ushbu poyezdlar 20-iyuldan har haftaning seshanba va payshanba kunlari soat 20:13 da Toshkentdagi Janubiy vokzaldan, 21-iyuldan boshlab esa har haftaning chorshanba va juma kunlari soat 16:49 da Urganch vokzalidan doimiy ravishda qatnovni amalga oshiradi.
Qo‘shimcha ma’lumotlarni Toshkent shahrida 1005 qisqa telefon raqami, joylardagi temiryo‘l kassalari hamda ma’lumotlar byurosidan olish mumkin.
Bundan avval Navoiy—Buxoro yo‘nalishida “Afrosiyob” poyezdlari uchun qo‘shimcha yo‘l qurilayotgani, Toshkent metropoliteni qachongacha qisqartirilgan vaqt rejimida ishlashi ma’lum bo‘lgani hamda O‘zbekiston un va go‘sht narxlarini Rossiya bilan maxsus poyezdlarni ishga tushirish orqali barqarorlashtirishi haqida xabar berilgandi.
Izoh (0)