Ўзбекистонда Тошкент–Урганч–Тошкент йўналишида қўшимча поездлар қатнови йўлга қўйилади. Бу ҳақда Транспорт вазирлиги хабар қилди.
Йўловчиларга янада кўпроқ қулайлик яратиш мақсадида 2021 йил 20–21 июль кундан Тошкент–Урганч–Тошкент йўналишида қўшимча 156/155-сонли йўловчи поездлар қатнови йўлга қўйилади.
Ушбу поездлар 20 июлдан ҳар ҳафтанинг сешанба ва пайшанба кунлари соат 20:13 да Тошкентдаги Жанубий вокзалдан, 21 июлдан бошлаб эса ҳар ҳафтанинг чоршанба ва жума кунлари соат 16:49 да Урганч вокзалидан доимий равишда қатновни амалга оширади.
Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан олиш мумкин.
Бундан аввал Навоий—Бухоро йўналишида «Афросиёб» поездлари учун қўшимча йўл қурилаётгани, Тошкент метрополитени қачонгача қисқартирилган вақт режимида ишлаши маълум бўлгани ҳамда Ўзбекистон ун ва гўшт нархларини Россия билан махсус поездларни ишга тушириш орқали барқарорлаштириши ҳақида хабар берилганди.
Изоҳ (0)