Qashqadaryo viloyatida Eriell Group tomonidan Jizzakh Petroleum MChJ QX mutaxassislari bilan hamkorlikda, “Shimoliy Maymanak” konining 12-sonli qudug‘idan sanoat gaz oqimi olindi. Gaz oqimi 2450 metrlik chuqurlikdagi quduqni o‘zlashtirish jarayonida olindi. Gaz kondensat qorishmasining dastlabki debiti sutkasiga 450—500 kubometrni tashkil etdi.
Quduqda sermahsul ufqlarni o‘zlashtirish ishlari davom ettirilmoqda, qatlamlar parametrlarini aniqlash uchun esa gaz kondensat tadqiqotlari amalga oshirilmoqda.
“Shimoliy Maymanak” koni 1979-yilda Qashqadaryo viloyatida ochilgan. U Muborak GQIZ’ga olib boruvchi “O‘zbekneftgaz” AJ gaz-transport tizimiga ulangan. Konda 11 ta quduq burg‘ilangan bo‘lib, ularning so‘nggisi 1984-yil 3-iyulda qurilish bilan yakunlangan.
Mazkur konda quduqlarni burg‘ilash joriy yilning 21-may kuni tiklangan bo‘lib, 2020-yildan boshlab Jizzakh Petroleum MChJ QX uning yer qa’ridan foydalanuvchisi hisoblanadi. 12-sonli quduq ikki oy davomida burg‘ilangan bo‘lib, 1984-yildan gaz oqimi olingan ilk quduq bo‘lgan.
Eriell Osme DMCC pudratchi kompaniyasining loyiha guruhi buyurtmachi Jizzakh Petroleum MChJ QX mutaxassislari bilan hamkorlikda navbatdagi eksplutatsiyaviy quduqlarni burg‘iladi.
“Shimoliy Maymanak” konida quduqlar qurilishi AQSh’da ishlab chiqilgan PMBOK loyihasini boshqarish bo‘yicha xalqaro standartga muvofiq amalga oshirilmoqda.
Quduqlar qurilishi O‘zbekiston Respublikasi Prezidentining 2019-yil 29-apreldagi “Respublika iqtisodiyotiga to‘g‘ridan to‘g‘ri xorijiy investisiyalarni jalb qilish mexanizmlarini yanada takomillashtirish chora-tadbirlari to‘g‘risida” qaroriga muvofiq amalga oshirilmoqda. Yangi quduqlarni qurish istiqbollari va tegishincha gaz qazib olish respublika iqtisodiy imkoniyatlarini yanada kengaytirishga xizmat qiladi.
Eriell Group matbuot xizmati
Izoh (0)