Xalq ta’limi vazirligi mamlakatda ta’lim tizimini takomillashtirish, uni yanada yuqori saviyaga olib chiqish, amalga oshirilayotgan islohotlar natijadorligini oshirish borasida amalga oshirilayotgan tizimli ishlar haqida ma’lumot berdi.
“Xususan, so‘nggi 5 yillik davr mobaynida tizimda bir qator salmoqli islohotlar amalga oshirildi. O‘qituvchining jamiyatda mavqeyini oshirishga har tomonlama harakat qilinishi natijasida xalq ta’limi tizimiga qariyb 45 ming nafar erkak o‘qituvchi qaytdi”, — deyiladi xabarda.
O‘rta maxsus ma’lumotli o‘qituvchilar soni 64 892 dan 46 214 nafarga (30 foizga) kamaygan.
2018—2019-yillarda O‘zbekistonda xalq ta’limi tizimidagi jami o‘qituvchilar soni 445 638 nafarni tashkil etgan bo‘lsa (erkak o‘qituvchilar soni — 133 207 nafar), 2020—2021-yildan ushbu ko‘rsatkich 501 044 nafarni tashkil etgan. Bunda erkak o‘qituvchilar soni 159 104 nafarga yetgan.
Eslatib o‘tamiz, 2020-yilning dekabrida xalq ta’limi vaziri Sherzod Shermatov 2030-yilgacha O‘zbekiston ta’lim berish sifati bo‘yicha top-30 talikka kirishi ko‘zda tutilganini ma’lum qilgandi.
Izoh (0)