Артемий Лебедев студияси дизайнерлари келажак светофорларининг футуристик лойиҳасини тақдим этди. Мутахассислар йўлни тартибга солувчи қурилманинг «ақлли», кўп функционал, шунингдек, кўпроқ маълумот берувчи сифатида таклиф этмоқда. Ижодкорларнинг фикрича, рангларни қабул қилишда муаммоси бор инсонлар учун мўлжалланган лойиҳалардан бирини ҳозирнинг ўзида амалиётга татбиқ этса бўлади, деб хабар беради Motor.
Россиялик дизайнерларнинг биринчи лойиҳаси ишчи юзасида тўлиқ қизил, сариқ ва яшил рангга ўзгара оладиган бир секцияли светофордан иборат. Бундан ташқари, бу каби каби йўлни тартибга солувчи мосламани рангларни қабул қилишда муаммоси бор инсонлар учун махсус пиктограмма билан жиҳозласа бўлади. Қўшимча маълумотларни рангларнинг классик жойлашувига мос равишда ўрнатиш мумкин: юқоридаги қизилдан пастки яшилга қадар.
Бу каби бир секцияли светофорга қўшимча секцияни интеграция қилиб, у орқали ҳайдовчиларга бурилишлар ҳақида маълумотлар ёки вақт ҳисобини кузатиш имкониятини тақдим этса бўлади. Ижодкорларнинг фикрича, бу каби йўлни тартибга солувчи мосламаларни ҳозирнинг ўзида Россия кўчаларига ўрнаца бўлади.
Келажакда фойдаланиш мумкин бўлган яна бир лойига квадрат светофор кўринишида тақдим этилган. Бу каби йўлни тартибга солувчи мослама нафақат классик сигналларни, балки йўлдаги ҳолатдан келиб чиқиб ўзгарадиган инферфаол йўл белгиларини кўрсата олади ва улар классик йўл кўрсаткичлар ўрнини эгаллаши мумкин.
Дизайнерлар футуристик светофорга пиёдалар ва велосипедчиларнинг анимациясини қўшишни, шунингдек, унинг юқори қисмида видеокузатув камерасини ўрнатишни таклиф этмоқда. Бундан ташқари, бу турдаги йўлни тартибга солишга мўлжалланган қурилмалар 5G-модуллари, WiFi-адаптери, шунингдек, ҳаво ҳароратини, намлигини ва шовқин даражасини ўлчовчи датчиклар ёрдамида «ақлли» бўла олади. Дизайнерларнинг таъкидлашича, бу турдаги светофорлар шаҳар кўчаларини симёғочлардан халос бўлишига ёрдам беради.
Эслатиб ўтамиз, 2020 йилнинг декабрида Москва Транспорт департаменти Россия пойтахти кўчаларига квадрат шаклидаги бешта янги светофорларни ўрнатганди. Сигналларнинг ўзи олдингидек доира шаклида қолган бўлишига қарамай, янги светофорлар бир қатор афзалликларга эга. Ёритиш майдонининг ортгани ҳисобига максимал ёрқинлик ошган, шу сабабли сигналлар ҳайдовчи ва йўловчилар кўзига яхшироқ ташланади.
Изоҳ (0)