Toshkent shahri Yashnobod tumanida ikki avtomobil to‘qnashuvi natijasida haydovchilar tan jarohati oldi, deya xabar bermoqda YHXBB.
Ma’lum qilinishicha, 2021-yilning 10-iyul kuni soat 13:45 larda Toshkent shahar Yashnobod tumani Katta Yangiobod–Chilon-ota ko‘chalari chorrahasida haydovchi, 1992-yilda tug‘ilgan I.T. boshqaruvidagi Matiz rusumli hamda 1996-yilda tug‘ilgan X.B. boshqaruvida bo‘lgan Damas rusumli avtomobillar ishtirokida to‘qnashuv sodir bo‘lgan.
Natijada ikki haydovchi ham tan jarohati olib, shifoxonaga murojaat qilgan.
Mazkur YTH yuzasidan Toshkent shahar IIBB YHXB tomonidan surishtiruv harakatlari olib borilmoqda.
Bundan avval Buxoroda piyodalar yo‘lakchasida fuqaroga yo‘l bermay harakatlangan Damas haydovchisi jarimaga tortilgani, Muborakda yo‘lning notekisligi sabab yuzaga kelgan YTH oqibatida Nexia haydovchisi halok bo‘lgani hamda Samarqandda Lada Largus va Mercedes yuk mashinasi ishtirokidagi YTH oqibatida 2 kishi halok bo‘lgani haqida xabar berilgandi.
Izoh (0)