Sankt-Peterburgdagi Estoniya bosh konsulxonasi konsuli Mart Lyatte persona non grata (xush ko‘rilmagan inson) deb e’lon qilindi. Bu haqda Rossiya tashqi ishlar vazirligiga tayanib, Meduza xabar berdi.
Estoniya Rossiyaning xatti-harakatlariga javob tariqasida rossiyalik diplomatni hududidan chiqarib yuborish haqida e’lon qildi.
6-iyul kuni Federal xavfsizlik xizmati Mart Lyatte “Rossiya fuqarosidan maxfiy materiallar olayotgan payt” hibsga olinganini e’lon qildi. Qanday materiallar haqida gap ketayotganiga aniqlik kiritilmadi.
Estoniya Tashqi ishlar vazirligi Lyattening hibsga olinishini “tomosha” va provokatsiya deb atadi. Rossiya TIV bayonotida aytilishicha, Moskva Estoniyaning ushbu pozitsiyasini “surbetlik” deb hisoblaydi.
7-iyul kuni Moskvadagi Estoniya elchixonasi maslahatchisi Ulla Uybo Rossiya TIVga chaqirildi. Uybo bu haqda matbuotga izoh berishdan bosh tortdi.
Avvalroq Estoniya prezidentligiga rasmiy nomzod Xenn Pilluaas Rossiyaga qarshi hududiy da’volarni yana bir bor eslatib, Rossiyadan Estoniya hududining bir qismini qaytarib berishni talab qilgandi.
Mavzuga doir:
- Shimoliy Makedoniya rossiyalik diplomatni hududidan chiqarib yuborishini e’lon qildi
- Rossiya TIV ruminiyalik diplomatning mamlakatdan chiqarib yuborilishini ma’lum qildi
- Chexiya bosh vaziri Yevroittifoq mamlakatlarini hech bo‘lmaganda bir nafardan Rossiya diplomatini o‘z hududlaridan chiqarib yuborishga chaqirdi
Izoh (0)