Санкт-Петербургдаги Эстония бош консулхонаси консули Март Лятте persona non grata (хуш кўрилмаган инсон) деб эълон қилинди. Бу ҳақда Россия ташқи ишлар вазирлигига таяниб, Meduza хабар берди.
Эстония Россиянинг хатти-ҳаракатларига жавоб тариқасида россиялик дипломатни ҳудудидан чиқариб юбориш ҳақида эълон қилди.
6 июль куни Федерал хавфсизлик хизмати Март Лятте «Россия фуқаросидан махфий материаллар олаётган пайт» ҳибсга олинганини эълон қилди. Қандай материаллар ҳақида гап кетаётганига аниқлик киритилмади.
Эстония Ташқи ишлар вазирлиги Ляттенинг ҳибсга олинишини «томоша» ва провокация деб атади. Россия ТИВ баёнотида айтилишича, Москва Эстониянинг ушбу позициясини «сурбетлик» деб ҳисоблайди.
7 июль куни Москвадаги Эстония элчихонаси маслаҳатчиси Улла Уйбо Россия ТИВга чақирилди. Уйбо бу ҳақда матбуотга изоҳ беришдан бош тортди.
Аввалроқ Эстония президентлигига расмий номзод Хенн Пиллуаас Россияга қарши ҳудудий даъволарни яна бир бор эслатиб, Россиядан Эстония ҳудудининг бир қисмини қайтариб беришни талаб қилганди.
Мавзуга доир:
Изоҳ (0)