Qashqadaryo viloyatining Qarshi shahrida yurib ketayotgan Nexia-2 yonib ketdi. Bu haqda “Daryo”ga xabar bergan viloyat Favqulodda vaziyatlar boshqarmasi axborot xizmatining yozishicha, voqea 2021-yilning 7-iyul kuni kech soat 22:16 da sodir bo‘lgan.
“Qarshi shahrining Nasaf ko‘chasida harakatlanib borayotgan Nexia-2 avtomobilida yong‘in chiqqan. 2011-yilda ishlab chiqarilgan avtomobil Qarshi tumani ‘Uzumzor’ MFYda yashovchi 1988-yilda tug‘ilgan R.R. boshqaruvida bo‘lgan”, — deydi boshqarma axborot xizmati rahbari Sohib Vaitov.Qayd etilishicha, yong‘in oqibatida avtomobilning old qismi yongan. Yong‘in sababi va zarar miqdori aniqlanmoqda. Yong‘in oqibatida hech kim jarohat olmagan.
Avvalroq Toshkentda to‘xtab turgan Lacetti yonib ketgani, Qarshida esa svetaforning qizil chirog‘ida to‘xtab turgan Isuzuga urilgan Nexia-2 yonib ketgani xabar berilgandi.
Izoh (0)