Video: Qarshida svetoforning qizil chirog‘ida to‘xtab turgan Isuzu’ga urilgan Nexia-2 yonib ketdi

Qashqadaryo viloyatining Qarshi shahrida beton to‘siqqa urilgani aytilgan Nexia-2 yonib ketdi. Bu haqda “Qashqadaryo xalqi” Telegram-kanali ma’lum qildi.

Ta’kidlanishicha, voqea bugun, 2021-yil 20-mart kuni sodir bo‘lgan.

“Daryo” muxbiri bilan suhbatlashgan viloyat Favqulodda vaziyatlar boshqarmasi axborot xizmati rahbari Sohib Vaitovning ma’lumot berishicha, bugun soat taxminan 11:50 da boshqarmaning dispetcherlik xizmatiga Qarshi shahrining Mustaqillik ko‘chasida YTHga uchragan avtomobilda yong‘in chiqqani haqida xabar berilgan.

“Voqea joyiga 11:53 da yetib borgan Qarshi shahar Favqulodda vaziyatlar bo‘limi, 2-yong‘in qutqaruv jamoasi yong‘inni o‘chirgan. Yong‘in natijasida hech kim jarohatlanmagan”, — dedi Sohib Vaitov.

Viloyat IIB Yo‘l harakati xavfsizligi boshqarmasi axborot xizmati rahbari Javlon Baxtiyevning “Daryo” so‘roviga javoban ma’lumot berishicha, Nexia-2 haydovchisi Mustaqillik ko‘chasidagi svetoforning qizil chirog‘ida to‘xtab turgan Isuzu rusumli suv tashuvchi avtomobilning orqa tomonidan borib urilishi natijasida yong‘in kelib chiqqan. YTH natijasida hech kim jarohatlanmagan. Mavzuga doir: 

• Namanganda qisqa tutashuv sabab Nexia-2 yonib ketdi
• Toshkentning Sebzor ko‘chasida mikroavtobus yondi (foto)
• Jizzaxda Cobalt va “Volga” ishtirokidagi YTHda ikki kishi yonib ketdi