2-iyul kuni Surxondaryo viloyati Jarqo‘rg‘on tumani hududidan o‘tuvchi M41 yo‘lining 1591-kilometrida o‘lim bilan bog‘liq yo‘l-transport hodisasi sodir bo‘ldi, deb xabar beradi IIV YHXBB axborot xizmati.
Ma’lum bo‘lishicha, soat 03:30 larda Jarqo‘rg‘on—Termiz yo‘nalishi bo‘yicha harakatlanib kelayotgan Cobalt avtomobili qarama-qarshi yo‘nalishda kelayotgan “KamAZ” yuk mashinasi bilan to‘qnashuv sodir etgan. Oqibatda yengil mashina haydovchisi voqea joyida vafot etgan.
Avariya yuk mashinasining Cobalt yo‘liga chiqib ketishi, tong sahardagi charchoq va haydovchining tajribasi kamligi natijada yuzaga kelgan.
Avvalroq Surxondaryoda haydovchilik guvohnomasi bo‘lmagan yigit boshqaruvidagi Nexia pastlikka tushib ketishi oqibatida mashina ichida bo‘lgan 17 yoshli qiz voqea joyida vafot etgani, Surxondaryoda qarama-qarshi yo‘nalishdagi “KamAZ” bilan to‘qnashgan Nexia haydovchisi halok bo‘lgani to‘g‘risida xabar berilgandi.
Izoh (0)