Surxondaryoda haydovchilik guvohnomasi bo‘lmagan yigit boshqaruvidagi Nexia pastlikka tushib ketdi. Mashina ichida bo‘lgan 17 yoshli qiz voqea joyida vafot etgan

1-iyun kuni soat 16:00 larda Surxondaryo viloyati Boysun tumanida haydovchilik guvohnomasi bo‘lmagan 27 yoshli fuqaro yo‘l-transport hodisasini sodir etdi, deb xabar beradi IIV YHXBB axborot xizmati.

Ma’lum qilinishicha, Boysun tumani hududidan o‘tuvchi 4P-125 avtomobil yo‘lining 6-kilometrida Nexia-3 avtomobili haydovchisi xavfli burilishdan o‘tgach boshqaruvni yo‘qotgan va 6 metr keladigan chuqurlikka tushib ketgan.

Avariya oqibatida mashina ichida bo‘lgan 17 yoshli yo‘lovchi qiz voqea joyida vafot etgan.

Yo‘l-transport hodisasining sodir etilishiga yo‘lning xavfli burilish qismidan chiqilganidan keyin ko‘prik ustidagi yo‘lning torligi va yo‘l chetidagi to‘siqlar kamligi sabab bo‘lgan.

Avvalroq Surxondaryoda haydovchilik guvohnomasi bo‘lmagan yigit boshqaruvidagi “Jiguli” 11 yoshli piyodani urib yuborgani va jabrlanuvchi shifoxonada vafot etgani to‘g‘risida xabar berilgandi. Mavzuga doir:

• Surxondaryoda bir yil davomida 15 marotaba qoida buzgan haydovchi 17 yoshli o‘smirning hayotiga zomin bo‘ldi
• Xorazmda haydovchilik guvohnomasi bo‘lmagan 10-sinf o‘quvchisi boshqaruvidagi Lacetti Damas’ga urildi. YTH oqibatida uch kishi halok bo‘ldi