Sliverstone Auctions auksioni uyi tomonidan tashkillashtirilgan The Classic Sale savdolari orqali tashqi ko‘rinishi klassik Land Rover Defender’ga o‘xshash Bowler CSP V8 Prototype P1 poyga yo‘ltanlamasi sotuvga qo‘yildi. Tajribali nusxa Bowler’ning patentlangan Cross Sector Platform (CSP) shassisida yaratilgan, besh litrli V8 divgateli bilan jizohlangan va Tuareg Rally yoki Baja Aragon ralli-reydlarining texnik reglamentiga mos keladi. Mashinani 120—150 ming funt sterlingga sotish rejalashtirilgan, deb xabar beradi Motor.
Bowler kompaniyasi 1985-yildan buyon Land Rover modellari bazasida sport yo‘ltanlamaslarini yaratish bilan shug‘ullanib keladi. 2019-yilda ustaxonani Jaguar Land Rover o‘ziga qo‘shib olgan bo‘lib, uni Special Vehicle Operations bo‘linmasining bir qismiga aylantirgan. Yangi maqomda Bowler maxsus loyihalarda ishtirok etadi, shuningdek, Ineos Grenadier’ga raqobatchi bo‘lgan klassik Defender’larni qayta yaratadi. Yangi Defender’lar asosini 2014-yilgi CSP shassilari tashkil etadi.
Shu bilan birga, sotuvga qo‘yilgan model kolleksion nusxa emas. Masalan, mashinaning hozirgi egasi, Bowler’ning sobiq direktori Richard Xeyuord unda 2019-yilgi British Cross Country Championship’da chiqish qilgan. Xeyuordning so‘zlariga ko‘ra, bu kompaniya tomonidan yaratilgan eng tezkor va hayratlanarli avtomobillardan biri hisoblanadi. Va aynan ushbu model Jaguar’ning 575 ot kuchiga ega “sakkizlik” kompressori bilan jihozlangan.
CSP 575 yo‘ltanlamasi Bowler’ning JLR tarkibiga kirgandan keyingi birinchi loyihasi hisoblanadi. Unga Range Rover Sport SVR’ning 5,0 litrli V8 dvigateli o‘rnatilgan bo‘lib, agregat 575 ot kuchi va 700 Nm aylanuvchi momentni taqdim etishga qodir.
Avvalroq BMT tomonidan harbiy harakatlarda foydalanilgan zirhli Land Rover Defender auksionga qo‘yilgani to‘g‘risida xabar berilgandi.
Mavzuga doir:
Izoh (0)