Britaniyalik olimlar tomonidan o‘tkazilgan yangi tadqiqotlarda chanqagan holda avtomobil boshqarish xavfli ekani aniqlandi — suyuqlikning yetishmasligi haydovchining diqqatini jamlashiga xalaqit berib, avariyaga olib keladigan qator xatoliklarni sodir etishiga sabab bo‘ladi. Umuman olganda organizmning suvsizlanishi alkogol ichimlik ichgandek ta’sir ko‘rsatadi — haydovchi mast inson kabi parishon va beparvo bo‘lib qoladi, deb xabar berdi Motor.
Ma’lumki, alkogol kognitiv funksiyalarga qattiq ta’sir ko‘rsatadi, shu sababli avtomobilni mast holda boshqarish juda xavfli va qonunga zid. Chanqagan holda mashina boshqarish haqida esa hech kim so‘ramaydi, ammo Britaniyaning Leasing Options kompaniyasi tadqiqotlariga ko‘ra, bu ham katta xatarni yuzaga keltiradi. Hatto biroz chanqog‘i bor haydovchi ham rulda diqqatini yo‘qotib, boshqaruv vaqtida qator xatoliklarga yo‘l qo‘yadi. Bu kompyuter simulyatorda avtomobil boshqargan 11 nafar erkak ishtirokidagi yangi tadqiqot davomida tasdiqlangan.
Ularning har biri uch seansdan iborat mashina boshqaruvida ishtirok etgan bo‘lib, birinchisi tanishtiruv, qolgan ikkitasida haydovchi ikki soatli virtual boshqaruvni amalga oshirgan.
Holatlarning birida haydovchi muntazam suv ichgan, ikkinchisida bu kabi imkoniyatdan mahrum etilgan. Miya faolligini maxsus datchiklar kuzatib borgan. Natijalarning ko‘rsatishicha, chanqoq vaqtida haydovchi qoidabuzarliklarga ko‘p yo‘l qo‘yadi — asosan harakatning qo‘shni polosasiga o‘tib ketadi yoki juda kech tormoz bosadi. Tadqiqot xulosasida rul boshqarayotgan vaqtida muntazam suyuqlik ichish tavsiya etilgan.
Izoh (0)