Mukammal kino olishga harakat qilishiga ham qaramay, suratga olish jamoasi nazaridan jarayondagi ayrim kamchiliklar bee’tibor qolishi mumkin. Xuddi shu holat Jeyms Kameronning “Titanik”i bilan ham sodir bo‘lgan. Kino tarixidagi eng mashhur filmlar ro‘yxatida ikkinchi bo‘lishga muvaffaq bo‘lgan, prokatlarda 2 milliarddan ko‘proq mablag‘ to‘plagan filmdagi siz e’tibor bermagan kamchiligi bor sahnalar haqida ma’lumot berib o‘tamiz.
Xol
Filmda Keyt Uinslet gavdalantirgan Rouz Dyuitt Byukeyterning kemaga ko‘tarilishidan avvalgi sahnada yuzining chap tarafida ekanini ko‘rish mumkin bo‘lgan xol keyingi sahnalarda o‘ng tarafda paydo bo‘lib qoladi.
To‘siq
Birinchi kadrda Di Kaprio gavdalantirgan qahramon Jek Douson og‘aynisi bilan bilan turgan sahnada to‘qining orasi ochiq ekanini, Rouz bilan yana shu joyda uchrashganida esa avvalgidan farqli o‘laroq to‘siqning birikib qolganini ko‘rish mumkin.
Etiket
Filmni tomosha qilganlar Jek va Rouzning qahramonlari turli sinf vakillari ekani va qizning kibor onasi Ruf xonim boshqalardan ham o‘zi singari etiket qoidalariga rioya qilishni talab qilishini yaxshi biladi. Ammo uning ovqatlanishdan avval qo‘lqopini yechmasligi hech qanday qoida va tartibga to‘g‘ri kelmaydi.
Taqinchoq
Kemada uyushtirilgan ziyofatga bo‘ynida taqinchoq bilan kirgan Rouzning zaldan chiqib ketayotganida bo‘yni bo‘sh ekanini ko‘rish mumkin.
Bir sahnaning kadrlarda turli ko‘rinishi
Qiz suvga sakramoqchi Jek esa uni qutqarmoqchi bo‘lgan sahnalarning birida Rouz ko‘ylagining etagini ushlab turgan bo‘lsa, boshqa burchakdan olingan kadrda shunchaki to‘siqning ustiga qo‘lini qo‘yib turganini ko‘rish mumkin.
Adyollar
Tomoshabinlar Rouzning ustiga yopilgan katakli adyolning turli kadrlarda xilma-xil ekaniga e’tibor ham bermagan bo‘lishi aniq.
Yostiq
Jekni qutqarishga chog‘langan vaqtida Rouzning orqasidagi fonda yostiq paydo bo‘lib qoladi.
Shisha
Jekni qutqarmoqchi bo‘lgan Rouz koridordagi boltani olish uchun oynani sindiradi. Olganidan keyin esa shisha yana tiklanib qolgandek ko‘rinadi.
Osmon
Astrofizik Nil Degrass Tayson rejissorni laynerning aysberg bilan to‘qnashuvi sanasida kema yo‘nalishi va o‘sha kundagi yulduzlar joylashuviga e’tibor bermagan deb hisoblaydi. Kinolentada oysiz, ravshan tun ko‘rsatilgan. Mutaxassisning fikricha, filmda kemaning halokatga uchragan joyi va kuni haqiqiysiga to‘g‘ri kelmaydi. Filmning 3D-adaptatsiyasida esa ushbu xato bartaraf qilingan.
Jekning burni
Atlantika okeanining o‘rtasida turgan vaqti suvga tushib turgan Jekning burni sovuqdan muzlab qolganini ko‘rish mumkin. Yordam kelib, Rouz uni uyg‘otmoqchi bo‘lganida esa bundan asar ham qolmaydi.
Izoh (0)