Mettyu Makkonaxi futbol maydoniga qo‘lida do‘mbira bilan yashil kostyumda chiqib keldi. Shu orqali u “Ostin” muxlislariga o‘yin oldidan minnatdorchilik bildirgan

Gollivud yulduzi Mettyu Makkonaxi yana bir bor sheriklikda egalik qiladigan “Ostin” futbol klubi muxlislarining jangovar ruhini ko‘tardi, deb xabar beradi Esquire.

“Oskar” mukofoti sovrindori va Texas universiteti professori futbol maydoniga jembe deb ataluvchi do‘mbira va yashil kostyumda chiqib kelgan. U jamoa muxlislariga Q2 stadionida o‘tkazilayotgan birinchi uchrashuv oldidan minnatdorlik bildirgan.

“Yashillar! Tayyormiz! (Verde! Listos!)”, — deya aktyor do‘mbirani chalishga tushgan.

https://www.instagram.com/p/CQW777rFXbk/

“Ostin” va “San-Xose Ertkveys” o‘rtasidagi uchrashuv oxir-oqibat durang bilan yakunlangan (0:0).

Avvalroq Makkonaxi “Ostin” futbol klubi hozirda yengilmas jamoaga aylanayotganini, biroq bu biroz vaqt talab etishini ma’lum qilgandi. Aktyor ushbu transformatsiya yo‘lini “100 yillik urush” deb atagan.

https://www.instagram.com/p/CQUnP6XlmI3/

Makkonaxi “Ostin” FKga 2019-yildan buyon sheriklikda egalik qilib kelmoqda.