Фото: «Титаник»даги фақатгина энг содиқ мухлисларгина пайқаши мумкин бўлган камчиликлар

Мукаммал кино олишга ҳаракат қилишига ҳам қарамай, суратга олиш жамоаси назаридан жараёндаги айрим камчиликлар бееътибор қолиши мумкин. Худди шу ҳолат Жеймс Камероннинг «Титаник»и билан ҳам содир бўлган. Кино тарихидаги энг машҳур фильмлар рўйхатида иккинчи бўлишга муваффақ бўлган, прокатларда 2 миллиарддан кўпроқ маблағ тўплаган фильмдаги сиз эътибор бермаган камчилиги бор саҳналар ҳақида маълумот бериб ўтамиз.

Хол

Фильмда Кейт Уинслет гавдалантирган Роуз Дюитт Бюкейтернинг кемага кўтарилишидан аввалги саҳнада юзининг чап тарафида эканини кўриш мумкин бўлган хол кейинги саҳналарда ўнг тарафда пайдо бўлиб қолади.

Тўсиқ

Биринчи кадрда Ди Каприо гавдалантирган қаҳрамон Жек Доусон оғайниси билан билан турган саҳнада тўқининг ораси очиқ эканини, Роуз билан яна шу жойда учрашганида эса аввалгидан фарқли ўлароқ тўсиқнинг бирикиб қолганини кўриш мумкин.

Этикет

Фильмни томоша қилганлар Жек ва Роузнинг қаҳрамонлари турли синф вакиллари экани ва қизнинг кибор онаси Руф хоним бошқалардан ҳам ўзи сингари этикет қоидаларига риоя қилишни талаб қилишини яхши билади. Аммо унинг овқатланишдан аввал қўлқопини ечмаслиги ҳеч қандай қоида ва тартибга тўғри келмайди.

Тақинчоқ

Кемада уюштирилган зиёфатга бўйнида тақинчоқ билан кирган Роузнинг залдан чиқиб кетаётганида бўйни бўш эканини кўриш мумкин.

Бир саҳнанинг кадрларда турли кўриниши

Қиз сувга сакрамоқчи Жек эса уни қутқармоқчи бўлган саҳналарнинг бирида Роуз кўйлагининг этагини ушлаб турган бўлса, бошқа бурчакдан олинган кадрда шунчаки тўсиқнинг устига қўлини қўйиб турганини кўриш мумкин.

Адёллар

Томошабинлар Роузнинг устига ёпилган катакли адёлнинг турли кадрларда хилма-хил эканига эътибор ҳам бермаган бўлиши аниқ.

Ёстиқ

Жекни қутқаришга чоғланган вақтида Роузнинг орқасидаги фонда ёстиқ пайдо бўлиб қолади.

Шиша

Жекни қутқармоқчи бўлган Роуз коридордаги болтани олиш учун ойнани синдиради. Олганидан кейин эса шиша яна тикланиб қолгандек кўринади.

Осмон

Астрофизик Нил Деграсс Тайсон режиссёрни лайнернинг айсберг билан  тўқнашуви санасида кема йўналиши ва ўша кундаги юлдузлар жойлашувига эътибор бермаган деб ҳисоблайди. Кинолентада ойсиз, равшан тун кўрсатилган. Мутахассиснинг фикрича, фильмда кеманинг ҳалокатга учраган жойи ва куни ҳақиқийсига тўғри келмайди. Фильмнинг 3D-адаптациясида эса ушбу хато бартараф қилинган.

Жекнинг бурни

Атлантика океанининг ўртасида турган вақти сувга тушиб турган Жекнинг бурни совуқдан музлаб қолганини кўриш мумкин. Ёрдам келиб, Роуз уни уйғотмоқчи бўлганида эса бундан асар ҳам қолмайди.