Futbol bo‘yicha Yevro—2020 musobaqasining F guruhida 3-tur o‘yinlari 23-iyun, chorshanba kuni bo‘lib o‘tdi.
Portugaliya terma jamoasi Fransiyaga qarshi bahs olib bordi. Uchrashuvning 30-daqiqasida Krishtianu Ronaldu penaltini aniq amalga oshirgan holda hisobni ochdi. Birinchi bo‘limga qo‘shib berilgan vaqtda Karim Benzema portugallar darvozasi tomon belgilangan penaltini golga aylantirdi.
Ikkinchi bo‘lim debyutida Benzema ikkinchi golini urdi. Bunga Portugaliya 60-daqiqada javob berdi: Ronaldu yana penaltidan unumli foydalandi. Shu bilan hisob o‘yin yakuniga qadar o‘zgarmadi.
Guruhning ikkinchi o‘yini Germaniya va Vengriya o‘rtasida kechdi. 11-daqiqada Adam Salai vengerlarni oldinga olib chiqdi. 66-daqiqada Kay Haverts muvozanatni tikladi. Biroq oradan ikki daqiqa o‘tar-o‘tmas Andrash Shefer Vengriyaning ikkinchi golini urdi. 84-daqiqada Leon Goretska hisobni tenglashtirdi. Qolgan vaqtda hisob o‘zgarmadi.
Shu tariqa Fransiya terma jamoasi 5 ochko bilan guruhni birinchi o‘rinda yakunladi. Germaniya (4) ikkinchi, Portugaliya (4) esa uchinchi o‘rin bilan keyingi bosqichga yo‘l oldi.
Yevro—2020
F guruhi, 3-tur
23-iyun, chorshanba
Portugaliya — Fransiya 2:2
Gollar: 1:0 – 30, penalti Ronaldu, 1:1 – 45, penalti Benzema, 1:2 – 47 Benzema, 2:2 – 60, penalti Ronaldu.Portugaliya: Ruy Patrisiu, Semedu (Diogu Dalot, 79), Ruben Diash, Pepe, Gerreyru, Moutinyu (Ruben Nevesh, 73), Sanshesh (Serjiu Oliveyra, 88), Bernardu Silva (Brunu Fernandesh, 72), Danilu Pereyra (Palinya, 46), Diogu Jota, Ronaldu.
Fransiya: Lyoris, Kunde, Varan, Lyuka Ernandes (Din, 46; Rabyo, 52), Kimpembe, Pogba, Kante, Tolisso (Koman, 66), Benzema, Grizmann (Sissoko, 87), Mbappe.
Ogohlantirishlar: Lyoris (27), Lyuka Ernandes (36), Grizmann (39), Kimpembe (83).
Germaniya — Vengriya 2:2
Gollar: 0:1 – 11 Salai, 1:1 – 66 Haverts, 1:2 – 68 Shafer, 2:2 – 84 Goretska.Germaniya: Noyer, Hummels, Ryudiger, Ginter (Folland, 82), Gozens (Musiala, 82), Kimmix, Gundo‘g‘an (Goretska, 58), Haverts (Verner, 67), Kroos, Sane, Gnabri (Myuller, 67).
Vengriya: Gulachi, Salai, Botka, Orban, Nego, Shafer, Klyaynxaysler (Lovrenchich, 89), Shallai (Shen, 75), Nad, Fiola (Nikolich, 88), Salai (Varga, 82).
Ogohlantirishlar: Botka (28), Gundo‘g‘an (29), Sane (61), Salai (64), Fiola (66).
Izoh (0)