Futbol bo‘yicha Yevro—2020 musobaqasining D guruhida 3-tur o‘yinlari 22-iyun, seshanba kuni o‘tkazildi.
Angliya terma jamoasi Chexiyaga qarshi bahs olib bordi. Uchrashuvning 12-daqiqasida Rahim Sterling inglizlarni hisobda oldinga olib chiqdi. Bu gol amalda o‘yin taqdirini hal qilib berdi.
Guruhning ikkinchi uchrashuvi Xorvatiya va Shotlandiya terma jamoalari o‘rtasida kechdi. 17-daqiqasida xorvatlar Nikola Vlashichning goli evaziga oldingi chiqib oldi. Birinchi bo‘lim yakunlanishi arafasida Kallum Makgregor muvozanatni tikladi. 62-daqiqada Luka Modrich Xorvatiyaning ikkinchi golini urgan bo‘lsa, 77-daqiqada Ivan Perishich g‘alabani mustahkamladi.
Shu tariqa Angliya terma jamoasi birinchi o‘rin bilan pley-offga chiqdi. Xorvatiya esa ikkinchi o‘rin bilan 1/8 finalga yo‘l oldi. Shuningdek, Chexiya ham eng yaxshi natija qayd etgan 3-o‘rin egalari qatoridan joy oldi.
Yevro—2020
D guruhi
3-tur bahslari
22-iyun, seshanba
Chexiya — Angliya 0:1
Gol: 0:1 – 12 Sterling.Chexiya: Vatslik, Soufal, Chelyustka, Kalas, Borjil, Souchek, Golesh (Vidra, 84), Masopust (Glojek, 64), Darida (Kral, 64), Yankto (Shevchik, 46), Shik (Pekhart, 75).
Angliya: Pikford, Maguayr, Uoker, Shou, Stounz (Mingz, 79), Rays (Henderson, 46), Fillips, Grilish (Bellinghem, 68), Saka (Sancho, 84), Sterling (Reshford, 67), Keyn.
Ogohlantirish: Borjil (61).
Xorvatiya — Shotlandiya 3:1
Gollar: 1:0 – 17 Vlashich, 1:1 – 42 Makgregor, 2:1 – 62 Modrich, 3:1 – 77 Perishich.Xorvatiya: Livakovich, Vida, Yuranovich, Lovren, Gvardiol (Barishich, 71), Perishich (Rebich, 81), Modrich, Brozovich, Vlashich (Ivanushets, 76), Kovachich, Petkovich (Kramarich, 70).
Shotlandiya: Marshall, Robertson, Henli (Makkenna, 33), Tirni, O’Donnell (Patterson, 84), Makgregor, Maktominey, Armstrong (Freyzer, 70), Makginn, Adams (Nisbet, 84), Dayks.
Ogohlantirishlar: Lovren (26), Makkenna (34).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)